القائمة الرئيسية

الصفحات

حل مشكلة الحر في الشقه في الدور الاخير في الصيف

  حل مشكلة الحر في الشقه في الدور الاخير في الصيف


كل عام يشتد الحر علينا واما الذين يقيمون بالادوار العليا وفوقهم السطع فيعانون بشدة من الحرارة ويبحثون عن حلول لكي يتخلصوا من هذه الحرارة ونقدم اليكم اليوم مجموعه من الحلول. 



الحل الاول : شرط ان تكون صاحب المنزل ولست مؤجر

عمل جبالون فوق السطح ليحميك من الحر ويلطف الحرارة ويحميك ايضا من مياه الشتا ولكنه مكلف نسبيا في هذه الاوقات

الحل الثاني 

شراء تكييف انفرتر موفر للطاقه وتشغيله اثناء فترة اشتداد الحرارة ليلطف الجو وهو ارخص من الجبالون ومن افضل التكييفات تكييف شارب وتكييف كاريير وتكييف فريش.

جبالون، تكييف، الدور الاخير،الحر، حرارة الجو اليوم

ولما سالنا السؤال كيف تتخلص من الحرارة لو قاعد في الدور الاخير :

اعمل تقفلية عالروف


قفل السقف بتانده صاج واعزلها . او حط فل على السقف


في عزل حراري عند بتوع العزل بتومين بارد وفل وبلاط


اعمل تكعيبه خشب ع السطح وبالليل ممكن تجيب كراسي وتقعد تحتها


اعمل عزل السطح من فوق في مواد عازله عشان تمنع الحراره للشقه عندك


اضرب السقف فرشه جير والجير لونه ابيض هيعكس الحراره وده اقل تكلفه


لو مش عاوز مكيف عادي علشان التكسير وكدا هات مكيف صحراوي رخيص و هيفرق معاك شوية


عندك طريقتين واحد با الواح المرمروكس و دي احدث حاجة تاني طريقة انك تحط فوم ابيض عالي الضغط و تبلط عليه سيراميك


اسهل ارخص طريقه انزل عند البقال اللي جنبك خليه يجبلك ٥٠٠ كرتونه وقفلهم ورصهم فوق بعض او بتاع اشوله يخيطلك شويه في بعض واربع عروق خشب وشدهم عليهم 


روح اشتري الواح فوم وثبتها بطبقة اسمنت خفيفه فوق السطح عندك دي بتعمل عازل حراري كويس


ادهن السطوح والحوائط الوجهات لون أبيض ولو جير مطفي


لو عاوز اقل تكلفه ركب كسر سيراميك وتحته طبقه رمل كويسه


نقله رمل وطوب ابيض خفيف الرمل هيعمل عازل للحرارة والطوب هيعمل عاكس للحراره


في الاغلب هنا في اسوان كتير بيفرشو طين فوق ف السطح جرب


شكاره اسمنت ابيض و٧شكار بودره بيضه واقلبهما ع بعض وافرش السطح بيهما وادعيلى انا زايك سكان فى الدور الاخير واسمع كلامى


ا شترى الواح صاج بمساحة الشقه وارفعهم بمقار متر ونص على اعمده حديديه بالشكل ده حتمنع الحراره عن الشقه وحيكون عنك رووف تستعمله وفيه ناس كتير منفذه الفكره دى


هات سدد بوص وحطها ورفعها عن السقف شويه ولوبطوب المهم انها تمنع وصول السمس عن الخرسانه نتيحه ممتازه وعن تحربه عندي وعند اصحابي وغير مكلفه


انزل عزبه ابو حشيش في غمره واشتري من هناك الواح فلين اللي بيطلعوها من التلاجات الخرده الفلين دا ارخص واتخن من الجديد بمراحل وبعدين رصه فوق السطح وحط عليه رمل ولو لسه باقي معاك فلوس ممكن تبلط السطح ببلاط مزايكو دا هايديك طبقة عزل إضافية


بستلتين بلاستيك ابيض تعزل ام الشمس دي نهائي وعلى حسب شده الشمس ممكن تكرار الموضوع مره كل سنتين ثلاته


اغسل السطح كويس سيبه ينشف وبعدين هات شيكارة جير وبستلة بروتال وتحل كل حاجه لوحدها وبعدين تخلطهم مع بعض وتجيب رولة دهان وتدهن السطح كله ولو جنب البيت مكشوف للشمس ادهنه دا هيظبطلك الشقه لمده شهر ونص تقريبا واللي هيتفضل من الخامات دي خليه اعمل منه كمان مره اول ما تحس انه بقا غامق ودرجة حرارة الشقه بدأت ترتفع تاني وكده تعدي الصيف السنادي بأقل تكلفه


بص ياسيدي ارخص حاجة مش هتكلفك هات شكارتين جير وخففهم في برميل بالماء وامسح بهم السطح كله اللون الأبيض هيعكس الشمس وهتحس بفرق كبير والحركة كلها تكلفتها 50 أو 60 جنيه


اعمل عزل حرارى الواح فل ازرق كدا او ابيض رصها علي ارضيه السطح فوق الشقه وحط علها جارار رمله


اعمل شمسية بالخشب مرينة خشب وهات نبات متسلق هيغطيها ويضلل ع السطح وبالتالي مش هيسخن وبالتالي الحرارة هتنزل


شكارتين جبس في برميل ميه وادهن بيهم السطح اللون الابيض بيعكس الشمس والحل ده مش مكلف


اعمل عزل حراري ولو عاوز حل إضافي كمان اعمل تكعيبية خشب علي الروف عشان تعمل ظل علي السقف وتقلل انتقال حرارة الشمس


تعمل عزل حراري للسطح .او اضعف الاحتمالات كم متر رمل وقبلهم حط فوم الحراري قبل الرمل .د


حاول الاول تعزل السقف من فوق بالواح الفل او اي شيء بعد كدة ماتفتحش اي شبابيك بالنهار والعكس بالليل وان شاء الله تتعدل


بص يباشا هات عازل حراري ا(الفوم )بيكون غالبا لونه لبني وحط فوقيه خرسانه خمسه سنتي وبعد كده انسي


تكعيبة فوق السطح من الخشب بمساحةالشقة تعلو من أرض السقف تمر ونصف وفوق التكعيبة خاص وافرشه


اسمنت ابيض او جبس وتحط عليهم ملح وتكتر الملح بس بالمعقول وميه ورش علي السقف باي شئ باذن تلاقي شقتك رائعه وباقل تكلفه


ياعم هات شويه جريد من بتوع النخل وارميهم فوق السطح خفيف ومفيش تكلفه خالص وهيبقي عازل رهيب من الشمس


افرش السطح زلط عجالى زلط كبير ورصه بطريقةة ماتخليش الشمس تكون على ارضية السطح وقبل ماحد يتكلم جرب هات زلطة كبيرة وحطها فى الشمس هتلاقى سطحها اللى كان ناحية الشمس سخن ممكن ماتعرفش تمسكها والاتجاه العكس هاتلاقية ساقع وجرب زلطة من الشارع

تعليقات

جاري التحميل ...

التعليقات

اتصل بنا


إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

آخر الأخبار

جميع الحقوق محفوظة

مصر ستريم

التنقل السريع